Það er gaman að segja frá því að það tókst að fjármagna útgáfu bókarinnar hennar Siggu Ellu, Fyrst og fremst er ég, á söfnunarsíðu Karolina fund. Bókin mun koma í búðir í apríl. Það er forlagið Portfolio sem sér um prentun og dreifingu.
Í bókinni eru 21 portrettmynd af einstaklingum með Downs heilkenni sem og persónulegur texti frá hverjum og einum. Auk þess eru hugleiðingar í lok bókar frá aðstendunum fólks með Downs heilkenni. Myndaserían hefur verið sýnd víða hér á Íslandi og erlendis, vakið mikla athygli og víða hefur verið um hana fjallað í fjölmiðlum. Verkefnið var lokaverkefni Siggu Ellu við Ljósmyndaskólann árið 2014.
Nánar um verk Siggu Ellu má sjá hér: siggaella.com
/sr.
Hólmaslóð 6101 Reykjavík Sími: 562 0623