Hanna Siv opnar sýningu í Skotinu, Ljósmyndasafni Reykjavíkur

aa

Fimmtudaginn þann 5.  apríl opnar Hanna Siv Bjarnardóttir sýningu í Skotinu, Ljósmyndasafni Reykjavíkur. Sýninguna nefnir hún Heima.

Í fréttatilkynningu um sýninguna segir þetta:

Hanna Siv Bjarnardóttir heimsótti nokkra af eldri íbúum Stokkseyrar. Í stuttri heimsókn er hægt að komast að ýmsu um manneskjuna sem þar býr en heimilið endurspeglar persónuleika og sögu fólks.

Fólk safnar að sér húsgögnum og smáhlutum, sumir hlutir hafa mikið tilfinningalegt gildi á meðan öðrum er hent eftir stutta viðkomu á heimilinu.

„Í litlu samfélagi þekkjast allir og vita nokkurn veginn hvað er að gerast í lífi hvers og eins. Ég kannast við allt fólkið sem ég heimsótti en hafði komið heim til fæstra. Það er sérstök upplifun að koma í heimsókn til alls þessa fólks eftir að hafa ímyndað sér hvernig heimili þeirra eru í mörg ár, en oft eru þau allt öðruvísi en ég sá fyrir mér.“    Hanna Siv Bjarnardóttir.

 

Hanna Siv Bjarnardóttir útskrifaðist úr Ljósmyndaskólanum í janúar 2017. Þetta er fyrsta einkasýning hennar í opinberu rými, en hún hefur einnig sett upp yfirlitssýningu á verkum sínum á Kaffigott sem er kaffihús á Stokkseyri.  Sýningin stendur til 29. maí 2018. Opnunartíma safnsins má sjá á vef Ljósmyndasafns Reykjavíkur.

Verk Hönnu má sjá hér: https://hannasiv.com/

/sr.