Hrafnhildur Heiða Gunnlaugsdóttir

aa

gamlan

Verkið sem prýðir forsíðu heimasíðu skólans að þessu sinni er eftir ljósmyndarann Hrafnhildi Heiðu Gunnlaugsdóttur en hún útskrifaðist frá Ljósmyndaskólanum í janúar 2016.  Hér að neðan má sjá fleiri verk úr seríu Hrafnhildar Heiðu frá útskriftarsýningunni en hún blandar gjarnan saman ljósmyndun, myndlist og ritlist í verkum sínum.

Í sýningarskrá útskriftarsýningar ritaði Jón Proppé þetta um verk Hrafnhildar Heiðu: Eitt það undarlegasta við að vera manneskja er að við sjáum sögur alls staðar. Öll veröld okkar er full af sögum og við notum sögur til að skilja veröldina og okkar eigið líf. Jafnvel einföldustu hlutir eða augnablikssvipbrigði á ókunnugu andliti geta kveikt sögur í huga okkar, sannar eða tilbúnar. Hrafnhildur Heiða nýtir sér þetta í þremur myndapörum af konum og hlutum sem ímyndunaraflið umbreytir í útlínur af sögum. Tvær konur, önnur ung en hin gömul, klæddar í svart og við svartan bakgrunn, vekja tilfinningu fyrir gömlum þjóðsögum og ævintýrum. Í kringum þær eru alls kyns tákn og þær birtast eins og erkitýpur, fornu frummyndirnar sem koma fyrir aftur og aftur í öllum sögum mannfólksins. Ung hvítklædd koma horfir beint í myndavélina og tínir annars hugar laufblað af plöntunni sem hún heldur á. Við hliðina á portrettinu er mynd af páfuglsfjöður í vasa á stöpli. Tvær myndir sýna unga konu með bækur og við eltum ímyndunarafl hennar yfir síðurnar um leið og við reynum að átta okkur á sögu hennar, því hún, eins og við öll, á sér sögu.( J.P.)

Enn fleiri verk má sjá á heimasíðu Hrafnhildar Heiðu. http://www.heidagunnlaugs.com/

 

þekking 2 pafjadrir þekking minnicopy  blom minnicopy