Ljósmyndaskólinn – opnir dagar 23. -24. febrúar. Kíktu í heimsókn.

Samtök sjálfstæðra listaskóla standa fyrir OPNUM DÖGUM 22.-24. febrúar 2018.

Ljósmyndaskólinn er í Samtökum sjálfstæðra listaskóla og tekur þátt í opnum dögum nú í febrúar.

Opið verður hjá okkur fyrir gesti og gangandi tvo daga; föstudaginn 23. febrúar frá kl.15.00-18.00 og laugardaginn þann 24. febrúar frá kl. 13.00 – 16.00.

Þessa tvo daga verður skólinn opin öllum sem áhuga hafa á að kynna sér starfsemi skólans, það nám sem þar er boðið upp á og síðast en ekki síst er alveg kjörið fyrir alla þá sem áhuga hafa á að fræðast um skapandi ljósmyndun að kíkja í heimsókn.

Nemendur verða að störfum í skólanum á ofangreindum tímum og  vinna að mismunandi verkefnum. Vinnubækur og portfólíur þeirra liggja frammi til skoðunar og margt fleira verður í boði. Meðal annars verður hægt að fylgjast með:

• vinnu í myrkraherbergi
• myndatöku með 4×5 myndavél
• gerð ljósmyndabóka
• myndatökum með polaroid
• ýmsum leiðum til að vinna með polaroida, t.d. „polariod transfer“
• vinnu með Camera Obcura

Að auki verður hægt að fá nýbakað með kaffinu.

Hlökkum til að taka á móti ykkur.

/sr.