Myndasería Siggu Ellu – Baldvin vekur athygli.

aa

sigga ella BaldvH4-707029927

“Mér finnst það frábært hvað Baldvin hefur fengið mikla athygli, það eru mjög margir sem vita ekkert um sjúkdóminn,“ segir Sigga Ella, ljósmyndari. Hún hefur fengið mikla athygli víða vegna myndaseríunnar Baldvin sem hún vann í samstarfi við Baldvin, hagsmuna- og baráttusamtök fólks með alopecia.  Forsvarsfólk samtakanna leituðu til hennar og úr varð að hún myndaði sjö konur og markmiðið var að vekja athygli almennings á sjúkdómnum. Nú hefur hróður Siggu Ellu og myndaseríunnar Baldvins borist út fyrir landsteinana eins og segir frá m.a. á Visi.is nú í byrjun júlí.

Fjöldi erlendra miðla hefur haft samband og ég hef fengið margar fyrirspurnir,“ segir Sigga Ella og nefnir að RTL í Þýskalandi og Daily Mail muni birta myndaseríuna á næstunni.

Huffington Post hefur þegar sett myndaþáttinn í loftið og hafa viðbrögðin ekki látið á sér standa.

„Ég fæ mikið af póstum frá fólki sem þakkar fyrir að sýna sjúkdóminn með þessum hætti og sömuleiðis hefur skapast vettvangur í athugasemdakerfinu þar sem fólk með alopecia spjallar saman, sem er gríðarlega mikilvægt og dýrmætt.
Það er gott að finna til þess að serían geti gefið fólki aukakraft með þessum hætti.“

Aðspurð hvernig miðlarnir hafi komist á snoðir um myndaþáttinn segir hún að fyrr á árinu hafi hún sent inn myndaþáttinn Fyrst og fremst er ég, í gegnum svokallað iReport á vegum CNN, og hafi á augabragði fengið viðbrögð við þeim þætti.

„Ég átti nú ekki von á því, það er allajafna erfitt að komast að og alls ekkert víst að maður geri það. En þeir höfðu mikinn áhuga, og fór sú sería eiginlega um allan heim líka,“ útskýrir Sigga. Sú myndasería fjallaði um einstaklinga með Downs heilkenni og birtist til að mynda í The Metro, Daily Mail, CNN og á fleiri stöðum um allan heim.

„Sú sería var samt gerð á eftir Baldvini, þó að hún hafi náð heimsathygli á undan,“ bendir Sigga Ella á.

Sigga Ella hefur mikinn áhuga á fólki og málefnum og finnst gott að geta sýnt það í gegnum ljósmyndun með þeim hætti sem hún hefur verið að gera. Hana langar mikið til að halda áfram að vekja fólk til meðvitundar um það sem oft orsakar fordóma og annað í þeim dúr.

http://www.visir.is/islenskur-ljosmyndari-vekur-heimsathygli/article/2015707029927

Íslenskur ljósmyndari vekur heimsathygli Íslenskur ljósmyndari vekur heimsathygli Íslenskur ljósmyndari vekur heimsathygli 

Ljósmyndir: SIGGAELLA

Myndaseríuna vann hún á meðan hún var við nám í Ljósmyndaskólanum en hún útskrifaðist þaðan í byrjun árs 2014. Fleiri verk Siggu Ellu má sjá á slóðinni: http://siggaella.com/