Námskeið hjá Agnieszku Sosnowska 10.-13. ágúst 2017.

aa

Vegna óviðráðnalegra ástæðna breytist dagsetning á námskeiði Agnieszku Sosnowska sem vera átti nú í júní. Námskeiðið Sjálfsmyndir – að nota sjálfsmyndir á listrænan máta verður haldið 10.- 13. ágúst 2017.

Þess má geta að Agnieszka Sosnowska hlaut á dögunum enn ein verðlaunin fyrir verk sín eins og sjá má hér. Hún hlaut verðlaun fyrir portrett seríu sína og var þar í hópi margra annarra framúrskarandi ljósmyndara samtímans.  Markmið samtakana CENTER sem veittu þau verðlaun, er að stuðla að því að heiðra, styðja og skapa tækifæri fyrir hæfileikaríka ljósmyndara.

 Sjálfsmyndir – að nota sjálfsmyndir á listrænan máta, 10.- 13. ágúst 2017.

Námskeiðið skiptist í fyrirlestra og verklegan hluta.

Þátttakendur þurfa að mæta með eigin myndavélar. Kennt verður á ensku og reikna má með að  kennslutími dag hvern sé frá kl. 9.00 – 17.00.

Helstu þættir námskeiðsins:

-Skoðaðir verða ólíkir listamenn frá ýmsum tímum listasögunnar sem unnið hafa með sjálfsmyndir og notað þær sem tjáningarmáta með ýmsum hætti. Skoðuð verður saga sjálfsmynda, hugmyndafræðin að baki tjáningarmátanum og ólíkar aðferðir.

-Farið verður yfir tæknileg atriði varðandi sjálfsmyndatökur með ljósmyndavél.

-Þátttakendur vinna bæði í hópum og sem einstaklingar. Þeir taka sjálfsmyndir, vinna þær og  njóta  þar handleiðslu Agnieszku.

-Verk þátttakenda verða skoðuð, rædd og gagnrýnd bæði í hópum og í einstaklingstímum með kennara.

-Markmiðið er að hver nemandi nái að fullvinna a.m.k. 6 myndir fyrir portfólíu sína.

Agnieszka útskrifaðist með B.F.A gráðu í ljósmyndun frá Massachusetts College of Art og hefur síðan þá starfað sem listamaður og kennari.

Hún hefur hlotið fjölda viðurkenninga og verðlauna fyrir verk sín, meðal annars hin virtu verðlaun, Lence Culture.

Nánar má fræðast um Agnieszku og verk hennar á slóðinni: http://www.sosphotographs.com/

Námskeiðið verður kennt í húsnæði Ljósmyndaskólans að Hólmaslóð 6, 101 Reykjavík.

Hámarksfjöldi þátttakenda er 15 manns.

Verð: kr. 68.000

Skráning fer fram á info@ljosmyndaskolinn.is

Nánari upplýsingar um námskeiðið má fá með því að senda póst á netfangið: info@ljosmyndaskolinn.is eða með því að hringja í síma 5620623.

Umsækjendum  er bent á að í mörgum tilfellum er hægt að leita styrkja hjá starfsmenntunarsjóðum stéttarfélaga fyrir námskeiðsgjöldum.