Sigurgeir Sigurjónsson – Metamorphosis/Umbreyting í Ljósmyndasafni Reykjavíkur.

aa

Sigurgeir Sigurjónsson Metamorphosis/Umbreyting í Ljósmyndasafni Reykjavíkur til 10. september.

Sigurgeir er afkastamikill ljósmyndari, verk hans hafa ratað víða og út hafa komið fjölmargar bækur með myndum hans. Hefur hann fram að þessu ekki síst beint augunum að náttúru Íslands og íbúum landsins en nú kveður við nýjan tón. Á sýningunni í Ljósmyndasafninu sýnir Sigurgeir myndir sem hann hefur verið að taka undanfarið og endurspegla þær breytingar á umhverfi borgar og sveita landsins. Metamorphosis sýnir að það má finna djúpa fegurð í niðurrifinu ef við stöldrum aðeins við og gefum okkur tíma til að horfa. Sigurgeir er með bók í vinnslu þar sem áherslan er á þess nálgun. „Þegar upp er staðið er þetta allt landslag“ eins og hann segir sjálfur, svo vitnað sé til kynningartexta frá Ljósmyndasafni Reykjavíkur.

Sigurgeir er lærði ljósmyndun á Íslandi og fór í framhaldsnám í Svíþjóðar og Bandaríkjanna. Hann hefur lengst af starfað sem auglýsingaljósmyndari og rak ljósmyndastofu í mörg ár samhliða bókagerð.  Verk hans hafa birst í fjölda bóka.  Sú fyrsta Svipmyndir, kom út 1982, bókin Hestar 1985 og 1992 kom út fyrsta bókin hans með landslagsmyndum Íslandslag (Landscapes).  Í kjölfar hennar komu nokkrar vinsælustu ljósmyndabækur um Ísland og Íslendinga sem gefnar hafa verið út: Ísland-landið hlýja í norðri, árið 1994. Amazing Iceland 1998,  Lost in Iceland 2002, Icelanders með Unni Jökulsdóttir 2004, Found in Iceland 2006, Made in Iceland 2007, The Little big book about Iceland 2009,  Lost in Argentina með Sæmundi Norðfjörð 2010, Poppkorn 2010 með Einari Kárasyni, Volcano Iceland 2010 og Earthward 2011, Iceland Small World 2012, Iceland 2015 og Planet Iceland 2016.

Sýningin stendur yfir í GRÓFARSAL Í LJÓSMYNDASAFNI REYKJAVÍKUR frá 20.05. til 10.09.2017.

Nánari upplýsingar má finna á vef safnsins.