Skólagjöld

Nemendur greiða skólagjöld fyrir setu í Ljósmyndaskólanum.

Stjórn skólans ákveður fjárhæð skólagjalda og greiðslufyrirkomulag.

Skólagjöld við Ljósmyndaskólann skólaárið 2019-2020 eru kr. 680.000 fyrir hverja önn.

Þegar nemendur hafa hlotið inngöngu í skólann á 1. önn þurfa þeir að greiða 10% af skólagjöldum fyrstu annar sem staðfestingargjald.

Eftirfarandi meginreglur gilda um skólagjöld:

• Í skólagjöldunum er innifalinn kostnaður vegna kennslu og aðstöðu nemenda til að stunda nám við skólann, þ.m.t. lán á myndavélum skólans, stúdíói, stúdíóbúnaði, aðgangur að myrkraherbergi, tölvuveri og öðrum búnaði. Flest skólagögn eru jafnframt innifalin að undanskildum kostnaði vegna harðra diska til vistunar eigin gagna, filmukaupa/vinnslu, prentunar, stækkunar mynda, gerðar sýningarefnis og ýmislegs annars sem til  fellur á námstímanum.
• Nemendur hefja ekki nám á önn fyrr en gengið hefur verið frá greiðslu skólagjalda.
• Skólagjöld fást ekki endurgreidd eftir að nám er hafið.
• Þegar nemandi hefur nám á 1. önn hvorrar námsbrautar skuldbindur hann sig að greiða fyrir nám til eins skólaárs í senn þrátt fyrir að hann kjósi af einhverjum ástæðum að hætta námi.
• Viðskipti milli nemanda og Ljósmyndaskólans vegna skólagjalda eru ekki á ábyrgð annarra en nemenda og Ljósmyndaskólans.

 

Umsóknarfrestur fyrir nám á skólaárinu 2019-2020 er til og með 5. júní 2019.