Móna Lea: Staðirnir okkar Normu.

aa

Nýverið luku nemendur á 2. ári í  Ljósmyndaskólanum vinnustofunni Landslag er ferðalag en þar unnu þeir undir leiðsögn ljósmyndarans Friðgeirs Helgasonar. Á meðan á  vinnustofunni stóð fóru  nemendur í vettvangsferðir og leiðangra með Friðgeiri og gerðu ýmsar tilraunir með ljósmyndamiðilinn.

Verkefni  Mónu Leu úr þessari vinnustofu með Friðgeiri, heitir NORMA.  Móna Lea segir eftirfarandi um verkið: Verkefnið mitt er óður til tíkarinnar minnar hennar Normu sem þurfti að fá nýtt heimili fyrr á þessu ári vegna ofnæmis dóttur minnar.

Við vorum vanar að fara útum allt saman,  við Norma. Það er varla blettur í kringum Grindavík sem við höfum ekki snert en eftir að hún fór hef ég forðast að fara á flest alla þessa staði.
Mér finnst ég eiga þessa staði. Þetta eru staðirnir okkar Normu. Staðirnir eru Norma.