Þórdís sýnir verkið sitt Helgadóttir á Vopnaskaki.

aa

Þórdís Helgadóttir sýnir verkið sitt Helgadóttir  á Vopnaskaki; bæjarhátíðinni sem fram fer 18. -24. júní. Verk Þórdísar  sem var útskriftarverkefni hennar frá Ljósmyndaskólanum nú í janúar síðastliðinn, verður til sýnis í kaffistofu frystihússins frá kl. 14.00-18.00. Verkið er til minningar um föður hennar Helga Jósefsson og verður  það aðeins til sýnis þennan eina dag.

Þórdís segir þetta um verkið og hvernig hún tókst á við það. „Fyrir um áratug féll faðir minn fyrir eigin hendi eftir róstursamt tímabil í lífinu. Við sviplegt fráfall hans varð ég sem lömuð og skildi í raun ekki hvernig lífið gat gengið sinn vanagang í kjölfarið. Á meðan ég hef verið að vinna að þessu verki hafa komið upp margvíslegar minningar og tilfinningar. Ég hef efast um að ég sé að gera rétt, bæði gagnvart sjálfri mér, honum og öllum þeim sem þótti vænt um hann og sakna. Ég stend frammi fyrir því flókna vandamáli að vera að fjalla um einhvern sem er farinn. Hvernig geri ég ljósmyndaverk um einhvern sem er ekki lengur til? Það upphófst því mikil leit hjá mér að því hvaða leið ég gæti farið til að leysa verkefnið, ég var alltaf að leita að einni ákveðinni lausn. En það er engin ein lausn og við sumum spurningum er ekkert svar.“

Hér er að finna frekari upplýsingar um bæjarhátiðina Vopnaskak og dagskrána.