Úrval verka eftir Jóhönnu Ólafsdóttur í Ljósmyndasafni Reykjavíkur.

aa

 

254_stor_johanna_olafs_large

Laugardaginn þann 28. janúar, kl. 15.00 opnar í Grófarsal sýning á verkum Jóhönnu Ólafsdóttur ljósmyndara.

Á sýningunni  gefur að líta úrval verka eftir Jóhönnu sem er ein af fáum íslenskum kvenljósmyndurum af sinni kynslóð sem starfað hefur allan sinn feril sem ljósmyndari. Hún tók þátt í samsýningum á árunum 1980 og 1987 og árin 2012 og 2014 voru verk hennar sýnd á  yfirlitssýningum um íslenska ljósmyndasögu þar sem þau  vöktu verðskuldaða athygli segir á vef Ljósmyndasafns Íslands. Þetta er fyrsta einkasýning Jóhönnu hér á landi og fylgir henni vegleg sýningarskrá. Á vef safnsins er einnig fjallað aðeins um feril Jóhönnu og segir þar meðal annars að Jóhanna sé næmur mannlífsljósmyndari og þess sjái stað í myndasyrpum hennar af fólki í dagsins önn til dæmis úr miðbæ Reykjavíkur. Hún hefur líka ljósmyndað mikið af verkum myndlistarmanna, starfaði lengi sem ljósmyndari í Þjóðleikhúsinu en er nú ljósmyndari á Stofnun Árna Magnússonar í íslenskum fræðum.

Nánar má fræðast um sýninguna á vef Ljósmyndasafnsins.

Sýningin verður opin til 14. maí  2017 eru opnunartímar sem hér segir:

Mánudaga – fimmtudaga:

10:00 – 18:00

Föstudaga:

11:00 – 18:00

HELGAR:

13:00 – 17:00

/sr.