Útskriftarsýning Ljósmyndaskólans opnar föstudaginn þann 12. janúar kl. 17.00!

aa

Föstudaginn þann 12. janúar, kl. 17.00 opna útskriftarnemendur Ljósmyndaskólans sýningu í Lækningaminjasafninu á Seltjarnarnesi.

Að þessu sinni útskrifast 7 nemendur: Berglaug Petra Garðarsdóttir, Díana Júlíusdóttir, Gunnlöð Jóna Rúnarsdóttir, Pamela Perez, Sara Björk Þorsteinsdóttir, Sólveig M. Jónsdóttir og Therese Precht Vadum.

Verkefni útskriftarnemenda eru fjölbreytt og viðfangsefnin af ýmsum toga. Meðal annars er þar fjallað um röskun líkamsímyndar, skynjun og fordóma, aðgreiningu hins karlmannlega og kvenlega og sjónum er beint að hinu smáa í nærumhverfinu. Einnig er hlutgerving kvenna í myndmáli rannsökuð og áhrif samfélagsmiðla á líf samtímamanneskjunnar skoðuð. Meðal verkana eru líka skrásetningar á lífi fjölskyldu sem hefur sumardvöl á Galtarvita sem og lífinu í Þórkötlustaðarhverfinu…en sjón er sögu ríkari.

Opnunardaginn þann 12. janúar er opið til kl. 19.00

Laugardaga og sunnudaga kl. 12.00 – 18.00

Fimmtudaga – föstudaga kl. 15.00 – 19.00

Sýningin stendur til sunnudagsins 4. febrúar og verður hluti af Safnanótt sem haldin er á Vetrarhátíð.

Á Safnafnótt, 2. febrúar, verður opið frá 19.00 – 23.00

Mynd með færslu á Gunnlöð Jóna Rúnarsdóttir