Valdimar Thorlacius sýnir í Ljósmyndasafni Reykjavíkur.

aa

 

Valdimar Thorlacius opnaði sýninguna “···” í Ljósmyndasafni Íslands á Ljósmyndahátíð Íslands en hátíðin var haldin með pompi og prakt í janúar síðasliðnum. Ljósmyndahátíð Íslands er að jafnaði haldin í janúar annað hvert ár og er þá mikið um dýrðir og sýningar og aðrir viðburðir tengdir ljósmyndun í brennidepli.

Margar sýningarnar  sem opna á Ljósmyndahátíð Íslands standa mun lengur en hátíðin sjálf og svo er um sýningu Valdimars í Ljósmyndasafninu, hún stendur til 3. maí 2020.

Í kynningu um sýninguna á vef Ljósmyndasafns Reykjavíkur segir meðal annars.

Sýningin “···” er í senn sjónræn túlkun á upplifun minni af smábæjum, fólki, veðri og víðáttu á Íslandi og heimild um lífið í þorpinu. Við vinnslu verkefnisins ferðaðist ég milli þeirra staða sem uppfylltu ákveðin skilyrði út frá skilgreiningu Hagstofunnar um stærð og gerð þéttbýliskjarna sem innihalda allt að 500 íbúa. Ég myndaði það sem greip athygli mína í þorpunum, umhverfi íbúa þessara bæja og set í bland við víðara sjónarhorn, eyjuna Ísland, segir ljósmyndarinn.

“Markmiðið er ekki að birta algeran sannleika um lífið í smábæjum Íslands.
Ég sýni valin augnablik og býð áhorfandanum að fylla sjálfum í eyðurnar. Nær ómögulegt er að nálgast algeran raunveruleika í ljósmynd þar sem túlkun hennar er ávallt þess sem horfir. Raunveruleiki verksins er því sameiginleg niðurstaða þess sem myndað er og skynjunar þess sem upplifir myndirnar.”

Valdimar Thorlacius er einn af útskrifuðum nemendum  Ljósmyndaskólann og lauk þaðan námi 2014. Útskriftarverkið I -Einn/Ein kom út í bókarformi í kjölfar útskriftar og hlaut styrk úr Minningarsjóði Magnúsar Ólafssonar það sama ár. Árið 2015 var svo opnuð fyrsta einkasýning hans í Þjóðminjasafni Íslands með myndum úr verkinu I -Einn/Ein, samhliða útgáfu Crymogeu á annarri útgáfu bókarinnar I. Verkið hefur verið á sýningum erlendis og má þar helst nefna einkasýningu á frönsku listahátíðinni Les Boreales

Þann 15. janúar var  fróðlegt viðtal við Valdimar í Víðsjá  á Rás 1 þar sem hann segir frá verkefninu.

Eins er viðtal við Valdimar í Morgunblaðinu þann 15. janúar. Þar útskýrir hann meðal annars hin forvitnilega tilil  sýningarinnar  “···” og  segist þar vera að vísa í bilið sem myndast þegar hann sleppir taki af myndinni og túlkun  áhorfandans tekur við.
Við fengum góðfúslegt leyfi hjá Valdimari til að birta myndir úr verkefninu með þessari færslu.

/sr.